Почина октоподот Пол, кој стана познат по тоа што ги предвидуваше резултатите од фудбалските средби за време на Мундијалот во Јужна Африка, објавија од аквариумот во Германија...

Пол доби светска слава, откако успеа правилно да го предвиди развојот на голем дел од средбите на Светското Првенство во Јужна Африка. Тој ги предвиде правилно резултатите на сите натпревари на Германија на СП.

Пред да се повлече, Пол го достигна врвот во својата кариера, откако предвиде дека Шпанија ќе ја победи Холандија во финалето од СП.

Вработените во аквариумот поставуваа две кутии со школки во резервоарот на Пол пред секој натпревар, едната со знамето на Германија, а другата со знамето на противничкиот тим. Октоподот секогаш избираше да јаде од кутијата на победничкиот тим.