На жените кои носат кратки здолништа или покажуваат малку повеќе од своите гради им се заканува парична казна од 500 евра, според новите правила, кои предстојат да се воведат во италијанскиот град Кастеламаре ди Стабија, во близина на Неапол...

Локалните власти исто така планираат да им забранат на мажите и на жените да носат фармерки со низок струк, според листата на новите правила кои "секој примерен граѓанин мора да ги почитува". Централно десничарскиот градоначалник Лујџи Бобио објави дека правилата се дел од напорите за "реконструкцијата на пристојноста во градот и подобрување на соживотот". Тие се насочени кон "недисциплинирани или едноставно невоспитани луѓе".

Новите правила, исто така забрануваат играње на фудбал во парковите и градините и пцовки на јавни места. Тие ќе бидат предложени за одобрување од општинскиот совет во понеделникот и ако стапат во сила, прекршителите ќе бидат казнувани од 25 до 500 евра.