Во Нов Зеланд алкохолот е поефтин од флаширана вода, а медицинското истражување укажува дека оваа ситуација претставува опасност за јавното здравје...

Една чаша вино чини во просек по 62 новозеландски центи (33 евро центи) додека шише од 0.25 литри вода чини 67 центи, а шише од 0.25 литри млеко чини 43 центи, покажала студијата која ја објавила научниците на универзитетот во Отаго.

Студијата објавена во "Новозеландски медицински магазин" покажува дека цената на алкохолот во изминатата деценија нагло опаѓа во однос на просечната заработувачка.

"Нашата анализа покажа дека алкохолот сега е веројатно најефтината "лесна дрога" во Нов Зеланд и дека финансиски е достапна, додека паралелно загрижува трендот за брзо пиење на големи количини на алкохол, кој е во пораст", изјавил професорот Ник Вилсон.

Тој додал дека меѓународни студии покажале дека ефтиниот алкохол е еден од факторите кои го поттикнуваат пијанчењето кај младите и доведува до поголеми социјални и здравствени проблеми.