На меѓународниот универзитет во Монако постои мастер програма за студенти кои сакаат да го дополнат своето знаење во животот на висока нога. Дипломата ги отвара вратите на џет-сетот и шоубизнисот...

Ако сакате да се занимавате со скапоцени работи, морате да ја запознаете вашата целна група, велат од сајтот на универзитетот. А каде најдобро ќе ја знаете разликата меѓу отпадот и оригиналот ако не на местото каде што шетаат холивудските ѕвезди и руските милијардери.

Она што колеџот посебно го издвојува како предност е тоа што дипломците сигурно ќе ги запознаат идните клиенти и ќе пронајдат работа, бидејќи во Монако се потребни луѓе кои знаат што е врвен квалитет.

Едногодишните студии чинат 16.800 евра. Книгите чинат 1.500 евра, административата такса е 1.000 евра. Идните специјалисти за слаткиот живот ќе мораат да земат под наем стан за два семестри за околу 9.000 евра, а храната и превозот нема да чинат помалку од 5.000 евра.

Но за тие пари, новиот академец ќе научи како да размислува како купувач на брендирани работи, кога одредени брендови стануваат хит, колку е дизајнот важен и зошто културата не поттикнува да го сакаме сјајот.

Следи пракса во бутиците во кои Парис Хилтон е редовен муштерија или во компаниите во кои се смислуваат брендовите за крунисаните глави, па студентите на лице место ќе видат како се формираат нависоките цени.

Како што објаснува раководителот на секторот, Аналиса Таркини, станува збор за сектор кој ќе расте, па затоа е потребно "образование и професионални менаџери".