Најскапата барбика на светот носи дијамантска огрлица и може да биде ваша за 300.000 долари...

Куклата со огрлица ја дизајнирал златарот Стефано Кантури а во нејзе вметнал розов дијамант, кој би можел да достигне цена помеѓу 300.000 и 500.000 долари на претстојната аукција во Christie's, со што ќе стане најскапата барбика на светот.

Розовиот дијамант е опкружен со мали, бели дијаманти, а целата огрлица има вкупно три карати.

Приходот од продажбата е наменет за фондацијата за истражување за рак на дојка.

Рекордот за најскапата Барбика моментално ја држи кукла која во 2006 година е продадена за 17.000 долари на аукција во Лондон.