Списание Forbes, што редовно објавува листа на најбогатите во светот, објави дека, сопругата на претседателот на САД е највлијателната жена на планетата...

По Мишел Обама се редат Ирене Розенфелд, извршен директор на "Крафт Фудс" и ТВ водителката Опра Винфри, чие шоу се емитува повеќе од четвртина век.

Во првата петорка се уште и Ангела Меркел, која минатата година освои и втор мандат како канцелар на Германија и државниот секретар на САД, Хилари Клинтон.

"Мишел Обама се јавува како највлијателната жена во светот, во моментов, поради нејзината харизма и поради нејзината општествена дејност, изразувајќи се претежно во собирање на средства за добротворни цели", пишува Forbes.

Шеста на листата е извршната директорка на "Пепси", Индра Ноји, на седмото место се наоѓа контаверзната пејачка Лејди Гага.

Листата на ТОП 10 највлијателни жени во светот ја дополнуваат, Гаил Кели извршен директор на австралиската финансиска група Westpac Banking Corp., поп дивата Бијонсе Ноулс и ТВ водителката Елен ДеЏенерес.