"Атлас" е со димензии два на три метри и беше претставена во Франкфурт на саемот на книгата...

Австралискиот издавач Гордон Чирс гордо го претставил џиновското издание од 128 страници, кое е за 30 центиметри поголемо од повеќето претходни најголеми книги во светот.

Копија од гигантот "Атлас" ќе чини 100.000 американски долари. Вклучува мапи на цели континенти, како и висококвалитетни фотографии од познатите предели и знаменитости од целиот свет.

Посетителите на саемот чекале и по 3 часа за да дојдат на ред за разгледување и прелистување на книгата.

Претходниот рекорд бил држен од страна на "Кленкеов Атлас", кој во 1660 година, холандскиот трговец Јоханес Кленк му го подарил на Чарлс || на Англија.

Чирс направил 31 копија од книгата, и веќе се продадени две примероци на музеите во Обединетите Арапски Емирати.

Чирс гордо на агенцијата AFP изјавил дека никој друг моментално не се впушта во печатење на толку голема книга.

"Јас сум единствениот толку луд, што се впуштам во таков потфат", рекол тој.