Во Велика Британија лансиран е првиот магазин чии страници ќе го красат само жени чиј конфекциски број е помеѓу 44 и 54...

Освен што е забранет пристапот за послабите, на неговите страници нема да се пронајде ниту една диета. 

Магазинот Just As Beautiful на прв поглед не се разликува од останатите женски lifestyle магазини. Модни совети, новитети од светот да убавината и идеи за декорација на домот ги исполнуваат страниците на овој магазин, кој сепак се разликува од сличните магазини на пазарот. 

Во него се наоѓаат жени исклучиво со конфекциски број 44 и 54.

Покрај тоа, пристапот на послабите и диетите се забранети, бидејќи уредништвото сака да ја поддржи убавината која нема врска со виокот на килограми на вагата. Но, вежбањето ќе биде редовна рубрика во овој експериментален двонеделник.

"Доколку носите број поголем од бројот 42 принудени сте да читате текстови со кои не се чувствувате добро, туку посрамотено, бидејќи не го носите бројот 36. Повеќете жени мислат дека треба тоа да се промени, бидејќи често се изложени на пораки кои ги величат згодните жени", објаснува уредничката Сју Томасон.

Уредништвото на овој магазин, кој пред печатеното издание 3 години живеел во дигитална форма на интернет, тврди дека фотографираните жени нема да бидат фотошопирани.