Реалити шоуто "Жени како сестри" (Sister wives) започнува на 26-ти септември на американскиот канал TLC, а ќе го прикажува животот на едно необично семејство...

Коди Браун живее во Јута со три жени од кои една е бремена, и нивните 12 заеднички деца. Со нив живее и неговата вереница со која наскоро ќе се венча.

Коди е татко и главниот хранител на ова семејство, а вели дека неговиот главен проблем е успешно сокривање на овие необични околности во јавноста.

Тој живее со три сопруги - Мери (39) со која има една ќерка, Жанел (40) со која има шест деца и Кристин (37), со која има пет деца а наскоро ќе добие и шесто дете. Со нив е и Робин (31) со своите три деца, која планира да се придружи на неговиот харем.

"На луѓето најверојатно не им е јасно како функционираме, но ние сме како сестри", велат неговите жени.

Она што најмногу ќе ги интересира гледачита - како тоа всушност функционира? Каде се љубовта, романтиката, сексот?

"Често ме прашуваат како одлучувам со која жена ќе спијам во креветот. Ќе ви откријам - имам разпоред, кој тешко успевам да го запамтам", се насмеал Коди.

Во план се емитување на седум епизоди од шоуто "Жени како сестри" (Sister wives).