Кој мисли дека леќите од боја се изум од крајот на минатиот век, многу се лаже...

Се појавиле во продажба во 50-тите години во Америка, не како оптичко помагало, туку првенствено како моден детал.

Модните дизајнери од тоа време смислиле дека е многу елегантно дамите да имаат очи во боја што одговара на нивната облека. Значи не фустан како бојата на очите, бидејќи тоа значително ќе го намалело изборот на нијанси, туку обратно.

Вештите оптичари веднаш се оддале на работа и почнале да создаваат мали контактни леќи во сите можни бои, така дамите можеле да порачуваат "Очи што одговараат на бојата на фустанот".

Тогашната технологија не била совршена, иако леќите биле тенки и изработени во разни димензии, на средината се наоѓал мал необоен дел за да "погледот кон светот" биде нормален.

Цената на пар леќи одговарале на сегашниот износ од околу 1250 евра.