Рибар од Јужна Каролина се изненадил кога рибата што ја фатил го гризнала, она што било најчудно е тоа што рибата има човечки заби...

Френк Јарборг од Градот Кловер тргнал во риболов на езерото Вајли, а неговиот улов станал енигма за локалните научници, пренесува WBTV. Јарборг мислел дека уловил сом, но кога се обидел да ја извади рибата од водатаа, таа силно го гризнала за палецот.

Каснувањето беше болно, а рибарот открил дека рибата има необични заби, слични на човечките.

Примероци од рибата биле испратени за анализа во Флорида, за да се открие за кој вид на риба станува збор. Роберт Страуд, биолог за природни ресурси на Јужна Каролина изјавил: "Рибата најверојатно припаѓа на видот Colossoma macropomum, која живее по течението на Амазон".

Рибата која Јарборг ја фатил, тешка е нешто повеќе од 2 килограми и долга е речиси половина метар.

Езерото Вајли не е нејзиното природно живеалиште, а Страуд претпоставува дека некој таму ја пуштил од аквариум. Френк рибата ја ставил во замрзнувачот, а што ќе направи со неа, не е познато.