Научниците откриле два нови видови на диносауруси во блиски односи со добро познатиот диносаурус Triceratops...

Откривањето на овие нови видови на праисториски тревопасни животни се случило во американската сојузна држава Јута, а припаѓаат во временскиот период - Креда, објавено е во списанието PLoS ONE.

Поголемиот од два пронајдени диносауруси, чиј череп е со големина од околу два метри, бил наречен Utahceratops Getty, по државата во која е пронаден и по презимето на пронаоѓачот, Мајк Гети од природнонаучниот музеј во Јута.

Вториот пронајден череп има дури 31 "орнаменти", вклучувајќи 15 рогови, а диносаурусот е пронајден од волонтерот Scott Richardson. Според него овој нов вид на диносаурус го добил името - Kosmoceratops Richardson.

Овој необичен диносаурус имал рог на носот, по еден над секое око и на образите, и десет на краевите од черепот создавајќи круна. Тоа е воедно и "најнакитениот" диносаурус што некогаш бил пронајден.

Главата на Utahceratops била долга два метри, а целиот бил долг помеѓу 5.5 и 6.7 метри и тежок од три до четири тони. Kosmoceratops, кој важи за диносаурус со најголем број на рогови, е со должина околу четири метри и тежок и два и пол тони.