Како што наведуваат организаторите патувања за набљудување на торнада не се опасни и до сега никој не настрадал иако се класифицираат во категоријата како фрлање со падобран или рафтинг...

Според една студија која неодамна била спроведена на универзитетот во Мисури, повеќе луѓе плаќаат за можност да видат торнадо лично и одблизу.

"Сезоната" за такво нешто е од април до јуни, кога се на подрачјето на САД се јавуваат околу 1200 торнада секоја година.

Голем процент од тој број се формира во подрачјето на државата Тексас, Оклахома и Канзас, иако знаат да се прошират кон исток до државата Охајо, и на север до Северна Дакота.

Повеќето патувања ги водат искусни метеоролози, кои возат група на луѓе во специјални возила, кои содржат најсовремена опрема за следење на ветрот. Потенцијалните клиенти можат да поминат и до 800 километри во потрага за торнадо, но организаторите не гарантираат дека ќе ги видите.

"Не постојат граници за такво нешто. Ако сте дошле само поради торнадо, тогаш оваа потрага не е за вас. Шансите се околу 25% а на посетителите морат да им бидат занимливи и останатите елементи на временските непогоди како што се бури, молњи, грмотевици, како и природата по која ќе се возат цел ден", вели Тод Торн, сопственик на една од компаниите кои ги организираат "Торнадо патувањата".

Овие организирани тури кои траат седум или 14 дена чинат од 3.000 до 5.000 долари (помеѓу 2.300 и 3.900), а храната и сместувањето не се вклучени во цената.