Британка во својата градина пронајде џиновска краставица подолга од еден метар...

Краставицата е со должина од 119 сантиметри и ќе влезе во Гинисовата Книга на Рекорди, бидејќи  го поминува на претходниот рекордер за дури 13 сантиметри.

"Растеше со толкава брзина, што ми се чинеше дека напредокот може да се набљудува со голо око", гордо рекла Клер Пирс (78), која ја одгледала рекордерската краставица.

Таа додала дека во својата градина никогаш порано не одгледувала краставици, но откако ја видела краставицата рекордер веднаш знаела дека таа ќе биде необична.

"Плодовите растеа неверојатно брзо. Таа краставица порасна повеќе од метар за само четири месеци".

Пирс додала дека на своите краставици никогаш не им давала адитиви, туку само вода.