Автомобилиот кој нацистичкиот лидер Адолф Хитлер го подарил на непалскиот Крал Трибуван, ќе биде поправен и ќе служи за возење на посетителите во музеите и палатата, објавила владата на Непал...

Станува збор за мерцедес од 1939 година, кој Хитлер го подарил на кралот Трибуван, дедо на последниот непалски монарх Гјанендра, соборен од власт во 2008 година.

Возилото стоело во старата гаража во палатата, каде го оставиле студентите од машинскиот факултет, кои го користеле на часевите.

Властите наведуваат дека вратата, седиштаа и хаубата се оштетени.

Непалскиот министер за култура Мод Раџ Дотел рекол дека од владата биле побарани 537.000 долари за реставрација на автомобилот и кочијата што некогаш ја користел кралот Трибуван.