Во перуанскиот дел на амазонската џунгла, научниците од американската национална научна фондација, откриле нов вид на риба, која се храни со дрво...

Се работи за сом, кој има развиено посебни заби, а беше фатен минатиот месец во националниот парк во областа на Алто Пурус, североисточно од Перу.

Рибата расте до 70 сантиметри во должина, а поради посебните заби, специјализирана е за мелење на дрвја паднати во реката, пишува Telegraph.

Домородците ја јадат таа риба откако знаат за себе, но ова било прв пат еден од примероците на овој сом да биде фатен жив, за да можат научниците да го проучуваат. Пауло Петри, професор по зоологија на Харвард, истакнал дека рибата е пронајдена на споменатото подрачје богата со биодиверзитет, но исто така под закана на понатамошен развој.