Претседателот на Колумбија Хуан Мануел Сантос, го прими својот сонародник Едвард Нино Хeрнандез, кој сеуште го држи рекордот за најнизок маж во светот...
Средбата се одржа во претседателската палата, пред 24 годишниот колумбиец да ја загуби неодамна доделената титула од страна на Гинисовата Книга на Рекорди. Тоа ќе се случи на 14 октомври, кога Хагендра Тапа Магар ќе наполни 18 години. Досегашниот најнизок тинејџер, прогласен за најнизок човек во светот е висок само 56 сантиметри и тежи скромни 5 килограми.
Хернандес при раѓањето тежел 1.5 килограми и бил висок 38 сантиметри. Денес тој е висок "цели" 70 сантиметри и тежи 10 килограми. Тој престанал да расте на 2 годишна возраст, рекла мајка му Ноеми Хернандес. Едвард е најголем од петте нејзини деца. Лекарите не успеале да објаснат зошто Ернандес престанал да расте.
