Мачките не случајно ја добиле репутацијата на мрзеливи животни, тие за сон одделуваат 2/3 од денот, соопштува vetinfo.com.

Возрасните мачки спијат до 16 часа секој ден, малите може да спијат до 18 часа, додека новороденчињата спијат во поголемиот дел од времето. Колку часа ќе спие мачето зависи од возраста и начинот на живот.

Ако мачето е оставено само во текот на денот, најверојатно животното ќе спие преку целото време, останувајќи будно навечер. Од друга страна, ако сопственикот на животното му обрнува внимание и си игра со него, мачето ќе ја промени својата програма за спиење и ќе спие навечер.

Доколку сакате да овозможите најдобри услови за вашето маче, осигурете се дека мачето ќе има свое сопствено катче за спиење, кое ќе се наоѓа во топла соба. Ако и е ладно, мачката ќе ги стави своите шепи на главата и ќе завземе позиција, што ќе ја одржува нејзината телесна температура.