Хонконгската копанија за бижутерија TSL измисли необичен начин за да ја прослави 60-годишнината на херојот од стриповите и анимираните филмови, Снупи...

Дизајнерите од компанијата ја изработиле неговата фигура од скапоцени камења со вкупна тежина од 207 карати, пишува Antwerp Facets.

"Дијамантскиот Снупи" е висок околу 14 сантиметри и е украсен со 9917 бели дијаманти, 783 црни дијаманти и 415 рубини. Статуетката е направена за осум месеци. Нејзината првична цена е 370 илјади долари. 

Снупи за прв пат се појави на 4 Октомври 1950 година. Негов создавач е уметникот Чарлс Шулц. Снупи е еден од најпопуларните анимирани херои во светот.