27-годишната Мелиса Томпсон го напишала дадениот текст за само 26 секунди, што е побрзо за 10 секунди од предходниот рекорд.

Таа напишала: "Пираните со заби како жилети од видот Serrasalmus и Pygocentrus се најжестоки риби во слатките води во светот. Во реалноста, тие ретко ги напаѓаат луѓето".

Претходно официјалниот рекорд кој бил вклучен во книгата на Гинисовите рекорди припаѓал на 24-годишната американка Френкилн Пејџ, која го напишала истиот текст.

Мелиса Томпсон од Салфорд, го користела новиот смартфон на Самсунг, Galaxy S. Британката, која работи во осигурителна компанија, пазарувала со нејзиното момче Крис, кога решиле да го посетат салонот на Самсунг и таму таа била поканета да се обиде да го смени светскиот рекорд.

"Пишував многу СМС пораки, по 40-50 на ден, само на Крис, така што и двајцата знаевме дека можам да пишувам брзо. Но откако почнавме да живееме заедно, немав пишувано многу пораки, така што прстите не ми беа во форма. За мене е вистински шок тоа што станав светски рекордер во пишување на текстуални пораки", рекла британката Мелиса Томпсон.