Повеќе од една третина од возрасните британци во креветот одат со плишена играчка, покажало едно истражување...

Во анкетата учествувале 6.000 возрасни од двата пола, а повеќе од една третина признале дека сеуште пред спиење ја гушкаат својата омилена играчка, најчесто плишеното мече.

Повеќе од половина од британците изјавиле дека сеуште го имаат своето мече од детството, а просечната старост на плишеното мече била 27 години.

Повеќе од една четвртина од мажите признале дека своето мече го носат на службено патување, затоа што ги потсетува на домот.

Повеќето од испитаниците рекле дека спиењето со плишена играчка ги смирува, и дека им помага во ослободувањето од стресот и пред спиењето.

Истражувањето било спроведено од страна на синџерот на хотели "Травелоџ", а управата соопштила дека инспирација за истражувањето имала поради фактот дека огромен број на возрасни посетители биле во целосна паника, затоа што ја заборавиле својата плишена играчка.

"Со текот на годините, ните повторно обединивме 75.000 сопственици и нивните заборавени мечиња", се вели во соопштението.