Ако треба да се верува на најновите резултати од истражувањето на двајца австралиски научници, главен виновник за мистериозните исчезнувања на бродови и авиони во мистериозниот Бермудски триаголник е метанот...

Професорот Џозеф Монаган и студентот Дејвид Мај од универзитетот Монаш во Австралија во своето истражување, објавено во магазинот American Journal of Physics, врз основа на океонографското истражување покажа дека на морското дно во сферата помеѓу брегот на Порторико, Мајами и југоисточниот брег на островот на Бермудите, кои го сочинуваат мистериозниот триаголник, има значителни количини на метан-хидрати и бројни трагови на ерупции.

Со други зборови, на таа територија се случувале ерупции на метан, кој по тектонските поместувања излегуваат низ пукнатините во морското дно, и оформени во огромни меури кои дополнително се шират, патуваат кон површината на морето. Научниците Монаган и Мај тврдат дека таквите гигантски меури, во моментот кога излегуваат на површината, можат да превртат дури и големи бродови, а истиот плин, кога влегува во моторите на авионите кои во тој момент летат над меурите, можат да ги уништат моторите и да ги срушат во морето.

За време на 60-тите години на минатиот век, истражувачот Иван Т.Сандерсон одредил и нумерирал две места на кои се забележани мистериозни исчезнувања на бродови и авиони. Освен во Бермудскиот триаголнилк, како што констатирал Сандерсон, слични необјасливи настани се случиле и во делови на Јапонското море и Северното море помеѓу Европа и Велика Британија.