Оние кои сакаат да станат чувари на тропскиот остров Хамилтон во Австралија, можат да се пријават до недела, а се очекува конкуренцијата да биде жестока затоа што според досегашните податоци имало пријавено над 18 000 кандидати. Пријавените треба да испратат видеозапис на англиски јазик во времетраење од 1 минута и да објаснат зошто тие се вистинските за оваа работа. Покрај плата од 150 000 австралиски долари, оној кој што ќе го добие работното место за 6 месеци, ќе добие и авио билет за рајскиот остров. Кандидатите треба да имаат најмалку 18 години, а оној кој ќе го добие работното место ќе има за задача да шета по плажите, да се сонча, да го истражува океанското дно, да патува со брод и секоја недела да објавува видео клипови на специјален блог. Навистина рајска работа нели?!