Машина за продажба на вино. Тоа е летниот хит во американската држава Пенсилванија...

Пронајдокот освои уште поголема популарност меѓу американците. Една од најголемите предности е што виното е достапно во секое време. Пронаоѓачите уверуваат дека злоупотреби се невозможни.

"Студената лејди", така во Пенсилванија ја нарекуваат машината која продава вино. Засега такви апарати има само таму. А резултатите од продажбата далеку ги надминуваат очекувањата. Во САД, алкохол можат да консумираат само лица, кои наполниле 21 години. Според американскиот закон, право да продаваат алкохолни пијалоци имаат само продавниците во сопственост на државата. Новите машини за вино претставуваат интересен начин за надминување на непријатностите на корисниците.

За да може клиентот да си купи вино од машина, потребно е да достапни документ за лична идентификација, кој ќе ја утврди возраста. Злоупотребите се невозможни, бидејќи високо поставената камера го препознава лицето на корисниците и ја споредува со базата на податоци во американската администрација. Но, тоа не е се. 

Потрошувачите треба да дувнат во специјалниот отвор на машината, за да покаже машината дека не употребил алкохол или дрога. Целата процедура трае 3 минути. Апаратите кои располагаат со специјален систем за ладење, содржат 700 шишиња на вино.

Клиентите имаат пристап до детални информации за секое вино како сортата, потеклото, производителот, па дури и предлози за комбинација со јадења. Цените за шише се движат од 6.99 до 23 долари.