Женската убавина не е секогаш предност во наоѓањето на вработување, заклучило истражувањето кое покажува дека убавите жени нема често да бидат ангажирани за сериозна работа...

Во истражувањето на американскиот универзитет Колорадо се наведува дека привлечниот маж е посакуван за било кој вид на работа, без разлика дале се работи за "машки" или "женски" работни места.

Повеќе од 60 студенти по психологија учествувале во студија на универзитетот Колорадо. Во првиот дел од истражувањето, нивната задача било само на основа на фотографија да изберата кандидати за разни работни места. Листата имало различни работни места - од продавачи на долна облека, до затворски чувар, преку финансиски директор или шеф на градилиште. Бројот на кандидати за тие работни места изнесувал 204.

Атрактивните кандидатки биле предмет на дискриминација кога се работи за "машки" работи за кој не бил важен изгледот.

Во повеќето случаи, убавите жени не биле избрани за функцијата на финансиски директор, инжинери или шефови на градилиште.

"Во оваа професија, да се биде привлечен е вистински хендикеп за жените", рекла Стефани Џонсон Франс, една од авторите на студијата.

Во вториот дел од истражувањето, студентите со фотографија на кандидати ги добиле и нивните работни биографии, но тоа не го променило ставот кон убавите жени.

"Мислевме дека благодарение на додатните податоци, студентите ќе гласаат врз основа на нешто друго, а не само врз основа на физичкиот изглед", додала Стефани.