Најголемиот тематски парк на Ферари, се гради недалеку од патеката Yas Marina во Абу Даби...

За љубителите на Ферари, Абу Даби на 28-ми октомви ќе стане центар на светот. Тематскиот центар на Ферари, се гради недалеку од патеката Yas Marina, на која и оваа година ќе се вози финалето за големата награда на Формула 1. Под црвениот покрив со препознатливото лого, на 200.000 квадратни метри се наоѓаат дваесет атракции за зависниците од адреналин. 

"Формула Роса" е најбрзиот ролеркостер на светот кој оди со брзина од 240 километри на час, на патеката долга точно два километри, а највисокиот пораст достигнува 52 метри. За оние кои го сакаат Ферари, но несакаат да излегуваат на ризик од срцев удар, овде можат да се возат во "Ферари F430" во кој се тркате на кружната патека но со 3D симулација.

По еден ден полн со возбуда, посетителите ќе можат да ручат во некои од рестораните во италијански стил, да пијат еспресо и секако, да се фрлат во потрага по сувенири.