Светиот престол забрани во државата Ватикан да бидат допуштени лесно облечените туристи (со шорцеви или со голи раменици), а обезбедувањето на влезот веќе ги советува на таквите посетители да одат до соседните продавници, за да си купат пристојна облека...

Новото барање малку ги вознемири жителите на Рим, кои често го посетуваат Ватикан, кога имаат работа во околните аптеки, поштенски филијали или продавници. Затоа, пак, трговците аплаудират на превземената мерка од страна на Светиот престол, бидејќи се зголемила продажбата на марами и шамии, а особено на долгите панталони. Досега оваа забрана се однесуваше само за посети во Базиликата "Св. Петар".