Британското кралско семејство отвори акаунт на сајтот Flickr.com, соопшти Бакингемска палата, како обид да биде во чекор со времето.

Слободниот пристап до кралскиот акаунт првично ќе овозможи да се гледаат над 600 фотографии од кралицата Елизабета Втора , слики од палатата и портрети. Ветено е дека содржината постојано ќе се обновува.

Фотографиите содржат бебешки фотографии од самата кралица и нејзиниот син, принцот Чарлс, официјални портрети вклучувајќи го и крунисувањето на кралот Џорџ VІ во 1937. Една од најстарите фотографии во колекцијата е официјалната црно-бела слика на кралицата Викторија и принцот Алберт, снимена во Бакингем во мај 1854 која во моментов е изложена во дворецот.

Принцезата од Велс, Дијана, првата сопруга на принцот Чарлс, која загина во автомобилска несреќа во Париз 1997г., исто така е вклучена во колекцијата на фотографии, придружувана од нејзините двајца синови принцовите Вилијам и Хари.

Портпаролката на палатата не рекла дали самата кралица користи Flickr. Она што е познато за кралицата и технологијата, е дека нејзиниот втор син, принцот Ендрју и купил мобилен телефон и ја научил да го користи.