Во Лондон почнаа да делат сладолед на кучињата поради невообичаеното топло време.

Оваа иницијатива е резултат од активностите на еколозите. Тие се вознемирени за физичката состојба на најдобриот пријател на човекот кој може да прегрее, пишува "Тајмс".

Кучешкиот сладолед се произведува во два вида: со вкус на пиле, како и со посебен вид на англиски бисквити. Првите обиди покажале дека кучињата со големо задоволство го конзумираат овој вид десерт. Сладоледите се делат бесплатно. Програмата е финансирана од добротворните организации за заштита на животните.

"Сега сите се грижат за луѓето, за да можат полесно да ги преживеат горештините. Но, сите ги заборавија животните кои исто страдаат од необичната клима. Затоа ние сакаме и тие да можат да го преживеат овој природен феномен", рекол претставникот на фондацијата "Boomerang Pets Party".