Порнографската компанија "Vivid" соопшти дека предложила договор на Ана Чепмен, една од групата руски агенти, кои беа уапсени кон крајот на јуни во САД и протерани во Русија.

"Ана е дефинитивно најсексапилната шпионка која сме ја виделе во последниве години, а и таа беше фаворитка и на медиумите", вели во соопштението основачот и претседател на "Vivid Entertainment" Стивен Хирш.

"Без разлика на нејзиниот успех како шпионка, ние сметаме дека може да биде одлична актерка во некој од нашите следни филмови и сакаме да и испратиме еден од најдобрите режисери во Москва за да работи со неа", се вели уште во соопштението.

28-годишната Ана Чепмен е меѓу десетмината агенти кои САД ги предаде на Русија на 8-ми јули во замена за четири руски затвореници, од кои тројца беа осудени за шпионажа во корист на Западот. Ана стана позната фигура по аферата со нејзините интимни фотографии и деталите од нејзиниот сексуален живот објавени во американските медиуми.