Градот Guangzhou кој се наоѓа во јужниот дел на Кина веќе може да се пофали со најголемиот градски часовник во светот, објави локалниот печат.

Уникатниот механички уред е произведен во Велика Британија и е поставен на врвот на 113-метарска кула во еден од парковите на градот.

Со дијаметар од 12,8 метри тој e далеку поголем од лондонскиот Биг Бен со неговите 7 метри и од часовникот на Спаската кула во Кремљ, кој е 6.13 метри.

Бидејќи кулата во паркот е четириаголна, најголемиот часовник има 4 лица и секое од нив е украсено со златни хороскопски знаци, кои се наоѓаат од внатрешната страна на римските бројки.