Американец дизајнирал возило кое е комбинација од автомобил и тоалет...

Дејв Хирш од Колорадо дизајнирал автомобил кој освен стандардните делови има и две WC шолки, како и држач за шест ролни на тоалетна хартија. Постои дури и една мала полица за списанија. Возилото може да собере двајца возрасни луѓе, и да се движи со брзина од околу 30 милји на час.

"Никогаш повеќе не сакав да се грижам за тоа дали ќе морам да застанам некаде ако на моите сопатници им се оди во тоалет. Првиот автомобил кој го имав развиено имаше порцелански тоалет, но заклучив дека тоа е применогу кревок материјал. По неколку измени, конечно дојдов до верзија која работи", се пофалил Хирш.

Тој додал дека минувачите биле воодушевени од неговиот "WC автомобил" и дека често го сопираат за да се сликат со него.