Еден калифорниски уметник убил 200.000 мравки за создаде реплика на своја фотографија од детството...

Крис Трумен (32) од Клермонт, Калифорнија, за своето помалку бизарно уметничко дело, купувал пакети од 40.000 живи мравки по цена од 395 евра, а потоа ги убивал. Потоа ги распоредувал по плексиглас, и на тој начин создавајќи свое врвно уметничко дело.

Крис успеал и да пронајде купувач за ова дело "гробови на мравки", високо 122 и широко 107 центиметри. За 27.500 евра го откупила американската компанија "Ripley's Believe It or Not", која поседува музејска колекција од "чудни и неверојатни дела".

Трумен признал дека убиството на мравки и правењето портрет од нив претставувало за него вистински предизвик и на неколку пати го гризела совеста поради тоа што убивал невини инсекти.

"Ми требаа неколку години за да го завршам портретот, не поради тоа што ми беше тешко да работам, туку поради тоа што ме гризеше совеста поради убивањето на мравките", истакнал тој. Инспирацијата за ова уметничко дело ја добил секавајќи се на една сцена од детството.