Кралицата Елизабета II по прв пат ќе стане прабаба...

84-годишната кралица првиот правнук ќе го добие во декември кога би требало да роди жената на Питер Филипс, син на принцезата Ана. Од Бекингемската палата објавиле дека канаѓанката, Аутумн Кели, која со Питер живее во Хонг Конг, очекува дете кое ќе биде првиот правнук на британската кралица.

"Кралицата и војводата од Единбург, како и семејството на Кели ја дознале веста и се пресреќни", стои во изјавата од Бекингемската палата. Најстариот внук на кралицата, Питер Филипс, нема кралска титула и е 11-ти во редот за наследување на кралската круна.

Со неговата сопруга живее повлечено и не извршува никакви кралски должности. Својата сопруга Келим, ја запознал за време на Montreal Grand Prix во 2003 година, а парот се венчал 5 години покасно.

Госпоѓа Филипс е родена како римокатолик, но пред венчавката станала член на Англиската црква, за да не го изгуби нејзиниот сопруг правото на наследство на престолот.