Реткоста не е единствениот квалитет, што еден вреден метал треба да го има...
Тој исто така треба да се наоѓа во природата, да биде светкав, да има висока точка на топење и што е најважно за бижутерската индустрија - да не е радиокативен. Златото, среброто и платина се најпопуларните метали, но се далеку од најскапиот метал. Платината во моментов се продава за 1.500 долари/унц, златото за 1.200 долари/ унц (1 унц = 28.3495231 грама).
Тие се на второ и трето место. Најскап метал е родиумот. Тој е од групата на платина и се наоѓа најчесто во мешавина со други метали, поради што чистото добивање е многу тешко, а цената му е висока. По боја е сребрасто-бел.
Најмногу го има во Јужна Африка, Северна Америка и планините Урал. Има најразлични апликации - особено во создавањето на легури со платина, се користи и како катализатор. Во 1979 Пол Макартни доби плоча од родиум во чест на влезот во Гинисовата книга на рекорди како најдобар артист и композитор. Колку е цената на родиумот? Во моментот сега чини двојно повеќе од златото или околу 2.400 долари за унц.
