На 7-ми јули се прославува Европскиот ден на чоколадото...

Датумот е избран бидејќи на овој ден во 1550 година е донесено првото чоколадо од Америка за Шпанија. Се одбележува во сите земји-членки на Европската унија. Чоколадото е едно од најпопуларните деликатези и нема шанса никогаш да излезе од мода. Податоците од брзото истражување објавени во весникот  "Дејли експрес", покажуваат дека жените повеќе сакаат чоколадо пред сексот.

Најновите истражувања ја потврдуваат позата од слаткото искушение за здравјето. Популарната поговорка "Една јаболка на ден ме држи настрана од докторот" слободно може да се перифразира на  следниов начин: "Малку чоколадо секој ден, држи настрана кардиолог". Анализирајќи ги податоците од 8-годишно истражување, кое опфатило 19.000 лица, експертите од Германија неодамна открија дека секојдневната консумација на мали количества на чоколадо, штити од срцев удар.

Австралиските научници ја потврдија ползата од чоколадото против висок крвен притисок. Тие велат дека едно парче на ден го има истиот ефект врз крвниот притисок како половина час вежби. Чоколадото, особено темното, содржи хемикалии познати како флаваноли. Тие ги прошируваат крвните садови во телото, го олеснуваат преминувањето на крвта низ нив и намалување притисокот. Експерти од кинеската академија на науката, на база на анализи, потврдија дека чоколадото во мали количини го намалува нивото на "лошиот" холестерол.