Сообраќајот во Пекинг и Мексико е кошмар за возачите во светот, додека во овој поглед шведската престолнина Стокхолм е пристаниште на смиреност за возачите, според резултатите од истражувањето објавено денес во САД...

За целите на ова истражување IBM интервјуираше 8192 возачи од 20 градови на сите континенти и воведе "индекс за маките на возачите" во автомобилскиот транспорт, кој се движи од 1 до 100. Во него се земени во предвид критериуми како потребно време за патување од едно до друго место, трајноста на сообраќајниот метеж, стресот кај возачите и др.

За Пекинг и Мексико овој индекс изнесува 99, наспроти 15 за Стокхолм, каде автомобилскиот сообраќај е најспокоен.

Париз и Лондон имаат индекс 36, што значи дека, управувањето со автомобил таму е релативно пријатно.

Индексот на Јоханесбург е 97 на Москва 84, на Њу Делхи 81, на Сао Паоло 75.

Од другата страна на листата се Торонто 32, Амстердам и Лос Анџелес 25, Берлин 24, Монтреал 23, Њујорк 19, Хјустон 17, Мелбурн 17 и Сткокхолм 15.