Во домот ви е најубаво, но ако сакате малку да се опуштите, подобро ќе ви биде да седете во канцеларијата...

Судејќи по резултатите неодамна е спроведено истражување, а тоа покажало дека партнерите не нервираат повеќе отколку шефот на работа. Во студијата спроведена од страна на експерти од универзитетот во Ланкастер учествувале повеќе од 3.000 мажи и жени, а резултатите покажаа дека притисокот најчесто го зголемуваат партнерите.

Најмногу стрес предизвикува партнерот кај дури 58% ос испитаниците, а кај 43% од нив дежурен кривец за нервозата е шефот, пренесува Дејли мејл. Се покажало дека жените се изложени на стрес, бидејќи непрекинато ја балансираат должностите помеѓу домот и професионалните обврски. 

Сепак, се покажало дека дамите подобро се справуваат со проблемите отколку мажите, веројатно затоа што тие се отворени кога треба да зборуваат за чувствата. Кери Купер, професор по психологија од универзитетот во Ланкастер вели дека луѓето често ја "носат" работата дома.

"Кога се чувствуваат несигурно, луѓето најчесто тоа го пренесуваат на партнерите. Една од најголемите причини за стресот се подолгиот работен ден, а ако често работите предолго, тоа ќе ви го загрози здравјето, но и односот со партнерот", рекол тој.