Ренгенските снимки на Мерлин Монро беа продадени на аукција, за 15 пати повисока цена од очекувањата.

Трите ренгенски снимки од посетата на актерката во болницата "Cedars of Lebanon" се очекуваше да бидат продадени од 800 до 1200 долари секоја на аукцијата организирана од Julien's Auction во Лас Вегас вчера. Сепак тие ги соборија рекордите и беа продадени за 45 000 долари.

Покрај тоа, на аукцијата во "Планет Холивуд", стол од последата фотосесија на Монро е продаден за 35.000 долари.

Фустанот на Одри Хепберн што го носеше во филмот "Funny Face" беше продаден за 56 250 долари.