Комуникацијата е повеќе од она што значат речените зборови...

Тоа е оддамна познато. Меѓутоа не се знаело дека моќта на мускулите на човекот можат да бидат препознаени врз основа на неговиот глас. До ова откритие дошле научниците од САД.

Во студијата биле вклучени мажи од различни земји низ целиот свет. Научниците ги измериле бицепсот, обиколката на градите, висината, тежината и силата на раката. Притоа на истите мажи им бил снимен гласот и снимката ја дале на слушање на публика. Публиката после тоа, само на основа на гласот, ја проценувала силата на мажот. Резултатот бил неверојатен. 

Сите навистина мускулести мажи биле проценети како такви само на основа на гласот. На тоа научниците ја истражувале основната фреквенција на гласот. Прашањето гласело: дали посилните мажи имаат подлабок глас? Одговорот бил - не. Резултатите, всушност, покажуваат дека интензитетот на басот во гласот нема врска со силата на мускулите на мажот.

Сега научниците бараат скриени сигнали во човечкиот, односно машкиот глас. Бидејќи очигледно кај жената не постои врска помеѓу гласот и силата на мускулите. За сега постојат само шпекулации - зошто е тоа така. Можеби причината е поради тоа што нашите далечни претци ја оценувале силата на своите противници според гласот.