Нема место за романтика на Меѓународната Вселенска Станица, изјавил командантот на вселенскиот шатл на НАСА.

"Ние сме професионалци. Се однесуваме со почит еден кон друг и имаме извонредни професионални односи. Нема место за љубовни врски. Не сме имале и нема да имаме вакви", изјавил командантот на вселенскиот шатл, Алан Поиндекстер при посета на Токио. Поиндекстер и неговиот шестчлен екипаж, меѓу кој и првата јапонска мајка во вселената Наоко Јамазаки беа во Токио да зборуваат за нивната двонеделна мисија на Меѓународната Вселенска Станица. За прв пат во април четири жени ќе летаат во вселената, три жени се приклучија на екипажот додека една веќе е на станицата.