Кристијано Роналдо е фудбалерот со најмногу фанови на Фејсбук...

Португалскиот репрезентативец и напаѓачот на шпанскиот Реал Мадрид и по некого најпосакуваниот играч на светот, е фудбалерот со најмногу Фејсбук фанови. Германскиот Kicker извршил истражување колку фудбалерските ѕвезди се популарни на Фејсбук, а резултатите покажуваат дека Роналдо има преку 5 милиони обожаватели.

Иако многу изборници на своите фудбалери им забраниле пишување на пораки на социјалните мрежи за време на светското првенство, за да не излезе во јавноста некоја доверлива информација, некои играчи се и понатаму активни и комуницираат со фановите. Португалецот е многу активен на Фејсбук, а тоа го докажува и бројот на фановите. На второто место, со речиси 3 милиони фанови, се сместил сексипилниот англиски репрезентативец Дејвид Бекам, додека на трето место со 2 и пол милиони фанови се наоѓа аргентинецот Лионел Меси.