Претседателот на Русија Дмитриј Медведев, кој е во посета на САД, стана првиот сопственик во светот на новиот iPhone.

Медведев го доби iPhone како подарок лично од генералниот директор на Apple Стив Џобс, со кого се сретна и разговараше.

Според Џобс, моделот ќе биде пуштен во продажба денес, 24-ти јуни.

За време на посетата во седиштето на Apple, Медведев се информираше и за други новости во компанијата. Рускиот претседател истакна дека со некои од продуктите е добро запознаен. На пример, неодамна тој откри дека чита електронски книги со помош на iPad.