Cтотици обожаватели на Apple се наредија во редици во Токио, каде што вечерва почнува продажбата на новиот модел на iPhone.

"Јас сум голем љубител на Apple. Кога ќе излезе нов производ, го купувам", рече Манабу Ишијама, кој повеќе од 24 часа стои пред продавницата на Apple во Токио. "Можеби си мислите дека луѓето кои сме тука, имаме премногу слободно време, но не е така. Го пренесуваме директно она што се случува наоколу во Ustream и Twitter. Така комуницираме со оние кои се заинтересирани", објави Ишијама, седејќи крај патеката до главниот влез на зградата.