Веќе секој што сака, може да живее во Њујоршкиот стан, каде што Барак Обама ги поминал студентските години, само треба да плаќа "скромна" сума од 1900 долари месечно, откако беше објавено дека апартманот се дава под наем.

"Новиот станар може и да не дојде некој ден до булевар "Пенсилванија" 1600 (адресата на Белата куќа), но барем има можност да го направи првиот чекор", гласи рекламата на агенцијата за недвижности.

Брокери кои бараат клиенти да влезат под наем во двособниот стан кој во 80-тите години денешниот претседател го делел со друго момче, го опишуваат имот како "жив фрагмент од американската сон" и ги покануваат заинтересираните "да влезат во историјата".

Апартманот се наоѓа во њујоршкиот кварт Upper West Side и како пишува Обама во своите мемоари, е без внатрешни врати и има сериозни проблеми со греењето. Сега се разбира, дека е "обновен, со одличен паркет, високи тавани и широки гардаробери", го фалат  од агенцијата CitiHabitats, и сигурно ќе се претвори во туристичка атракција.