Пописот на населението во Индонезија откри жена, која тврди дека е 157 години, соопштил национален институт за статистика...

Таа се вика Турина и живее во селце на островот Суматра. Турина тврди дека е родена во 1853 година. Досега најстарата жена со доказ за раѓањето била французинката Жан Калман, која почина во 1997 година на 122-годишна возраст. Нема автентични документи кои ја докажуваат возраста на Турина, но врз основа на нејзините тврдења и земањето во предвид возраста на нејзината посвоена ќерка, која има 108 години, може да и се верува, велат од локалното биро за статистика. Самата жена ги исгорела сите документи во 1965 година, за да не биде поврзана со комунистите, кои во тоа време биле прогонувани и убивни поради обидот за државен удар. И покрај големата возраст, жената има добра меморија, има добар вид и нема проблеми со слухот, дополниле од бирото.