Според научни сознанија, наследните особини и искуства од детството се само половина од потенцијалите да се биде среќен, додека другите половина зависат од секој поединец, доколку ги примени седумте таканаречени "златни правила"...

Правилата "рецепт за среќа" според препораките на експерти кои ги пренесува "Популарна психологија" се: 1. Смеејте се, 2. Изберете среќна професија, 3. Бидете вклучени во добротворни цели или пеејте во хор, 4. бидете љубезни кон другите, 5. инвестирајте во своите пријатели, 6. Не гледајте телевизија, 7. Шетајте.

Насмевката произведува пријатни хемиски реакции во мозокот и привлекува други луѓе. Кога е во прашање професијата, истражувањето покажало дека најзадоволни биле фризерките, а не заостануваат многу ниту свештениците, куварите, козметичарките, водоинсталатерите и автомеханичарите. 

Луѓето кои се грижат за другите се посреќни од оние кои само се грижат за себе. Ако сте љубезни кон другите, и тие ќе одговорат на ист начин. Инвестирањето во твоите пријатели е најдрагоцен имот.

Телевизијата не треба да се гледа, бидејќи и најпопуларните серии предизвикуваат благо чувство на депресија. Активните луѓе се посреќни. Шетајте барем еден километар на ден и јадете јаглени хидрати, тестенини и овошје, бидејќи тие го зголемуваат нивото на серотонин - хормон кој го регулира расположението.