Њујорчанката Дербали Лорензана го тужи својот поранешен работодавец, американската банка Citibank, бидејќи била отпуштена затоа што била премногу секси, пишува The New York Post...

33-годишната Лорензана започнала со работа во банката во 2008 година. И покрај тоа што одела на работа облечена деловно( според нејзини зборови), на нејзините колеги постојано им течеле лиги по неа, вниманието постојано им било свртено кон неа, а правеле и несоодветни белешки. Затоа банката вовела построги ограничувања за облеката. Кога Лорензана прашала зошто ограничувањето важи само за неа, одговорот бил дека нејзините колешки се непривлечни и мажите не им обрнуваат внимание. Така животот на убавицата се претворил во пекол и таа побарала да биде преместена во нов оддел. Тоа се случило, но малку подоцна Лорензана била отпуштена. Од банката секако негираат, и велат дека вработената не се справувала со своите обврски.