Австралиска птица, коокабура била под личен фитнес режим, откако се угоила толку многу што веќе неможела да лета поради тежината.

Проблемите со тежината на птицата се појавиле откако жителите на Сиднеј почнале да ја хранат со колбаси. Птицата тежи 565 грама, 40% повеќе од нормалната тежина за овој вид и неможе да лета.

"Во дивината овој вид се храни со мали животни како глувци и гуштери, но колбасите се премногу тешка храна за неа", рекол специјалист од зоолошка градина во Сиднеј.

Дебелата птица била сместена во рехабилитацонен центар за птици, каде што била подложена на лесна диета, подготвена од страна на специјалист.

Благодарение на секојдневните вежби со личен тренер, птицата  ја освоила битката со вишокот килограми. Таа веќе тежи помалку и е подготвена да се врати во природната средина.