Спротивно на очекувањата, Шпанците го избираат интернетот пред сексуалните контакти...

42% од шпанските граѓани кои учествувале во нова анкета, велат дека идејата да останат една недела без интернет ги плаши, создава чувство на тревожност, додека само 27% биле загрижени доколку останат една недела без секс. Резултатите од истражувањето, спроведено од веб-страницата conZumo, покажуваат дека за шпанците интернетот станал приоритет.

75% од анкетираните признале дека претпочитуваат да се откажат од времето за спиење, за да сурфаат на интернет. Дури 30% од нив сепак би се откажале од сонот, за да имаат секс. Во анкетата беше поставено и прашање во врска со употребата на мобилните телефони. 25% од жените и 16% од мажите велат дека не би издржале без телефон повеќе од една недела. 70% од испитаниците рекле дека не поминале ниту еден ден без да го користат својот мобилен телефон.